Es freut ünsch, dass du ämal uf ünschärä Homepage verbi luägischt, und hoffend, dass du ni z`letscht Mal da bischt...

Was händ äigentli di Prättiger Alpämeitiä midänand z`tuän, und wiä sindsch uf där Namä chon?

Miär viärä schpilend schon es paar Jahr mit Freud Schwyzerörgeli bin ünschem Musiglehrer Heinz Ambühl z`Chüblisch. Im Prättiger Alpspektakel händsch ünsch gfreged, ob miär ni gän Chüblisch zum Älplerässä gä schpilä chemend, und miär händ natürli sofort ja gsäid. Aber Namä hämmer duä noch käinä kan, und jetz ischt d`Schdudiärig losgangä, wiä miär häissä wellend... Driä von ünsch gand dä Summer albig en Ziit uf d`Alp, und drum hämmer gsäid, das Alp au drin vorchomi. Und chon tüämmer ja allä usem Prättigä. Es ischt ni lang gangä, und schon simmer ünsch mit dem Namä Prättiger Alpämeitiä äinig gsin.